Үш ағайындыдан құралған «Le Trio Joubran» палестиналық музыкалық трио сәрсенбі күні жасаған мәлімдемесінде Рамазан айында Адана, Газиантеп, Анкара және Конья қалаларында түрік көрермендерімен қауышатынын жариялады.
Топтың мәлімдемесіне сәйкес, уд аспабының дәстүрлі үнін заманауи интерпретациямен ұштастыратын «Le Trio Joubran» Түркия туры аясында төрт қалада концерт береді. Палестина мәдениетінің музыкалық мұрасын халықаралық сахналарда паш етіп жүрген ұжым өз шығармаларына қайғы-қасірет, қарсылық пен үміт тақырыптарын арқау етеді.
Рамазанның рухани атмосферасында өтетін Түркия турнесі аясында «Le Trio Joubran» төрт қалада жергілікті уақытпен сағат 21:30-да сахнаға шығады.
Трио 8 наурызда Аданадағы Чукурова университетінің конгресс орталығында, 9 наурызда Газиантептегі Шахинбей конгресс және мәдениет орталығында, 10 наурызда Анкарадағы “CSO Ada Ankara” Зираат Банкі залында және 11 наурызда Коньядағы Селжук конгресс орталығының Анадолы сахнасында өнер көрсетеді.
«Le Trio Joubran» аспаптық музыканың әмбебап тілін қолдана отырып, тыңдармандарға эмоционалды және көркемдік деңгейі жоғары концерттік тәжірибе ұсынуды мақсат етеді.
