Дипломатиялық дереккөздер Израиль күштері тарапынан Газаға гуманитарлық көмек жеткізуге талпыныс кезінде тоқтатылған кемедегі түрік азаматтарының жағдайы мұқият бақылауда екенін және оларға консулдық қолдау көрсетіліп жатқанын мәлімдеді.
Израиль күштері Газаға гуманитарлық жүк апармақ болған «Madleen» кемесін тоқтатқан, ал Түркия Сыртқы істер министрлігінің мәліметінше, кемедегі түрік азаматтарының жағдайы мұқият қадағалануда.
Қамауға алынған тұлғалар дүйсенбі күні түнде кемеден түсіріліп, кейін Түркияның Израильдегі елшілігі өкілдері олармен кездескен.
Сейсенбі күні жарияланған мәлімдемеде түрік азаматтарына барлық қажетті консулдық көмек көрсетілгені және олардың туыстарына бұл үдеріс туралы ақпарат берілгені атап өтілді.
Газаға гуманитарлық көмек жеткізуді және аймаққа қойылған блокаданы бұзуды көздеген соңғы миссия «Freedom Flotilla» атты үкіметтік емес ұйым тарапынан ұйымдастырылды. Осы аяда 18 метрлік кеме 1 маусымда Италияның Катания қаласындағы Сан-Джованни Ли Кути портынан Газаға бет алған болатын.
«Madleen» кемесінде болған белсенділер Израиль әскері тарапынан жасалуы мүмкін кез келген әрекетке бейбіт түрде жауап беретіндерін және қарсылық көрсетпейтіндерін алдын ала жариялаған еді.
Дүйсенбі күні Израиль әскері Газа аймағына қойылған блокаданы бұзуды көздеген «Madleen» кемесіне күшпен қарсылық көрсетті.
Кемеде әртүрлі елден белсенділер мен саясаткерлер болған. Олардың арасында Еуропарламент депутаты, француз азаматы Рима Хассан, Германия азаматы Ясемин Ажар, Түркиядан Хүсейін Шуайыб Орду, Бразилиядан Тияго Авила, Испаниядан Серхио Торибио, Нидерландыдан Марко ван Реннес, Франциядан Батист Андре, Рева Виар, Паскаль Муриерас және Янис Мхамди, Швециядан экобелсенді Грета Тунберг және журналист Омар Файад бар.
