Түркия Ауыл және орман шаруашылығы министрі Ибрахим Юмаклы өрт сөндірушілер салқындату жұмыстарын жалғастырып жатқанын айтып,  соңғы 24 сағат ішінде ел аумағында 55 орман өртінің толықтай бақылауға алынғанын мәлімдеді.

Сейсенбі күні журналистерге сөйлеген сөзінде Юмаклы соңғы өрт Түркияның солтүстік-батысында, Бурсаның Харманжык ауданында болғанын хабарлады.

«Барлығы 5 ұшақ, 30 тікұшақ және 855 техникамен өртті толығымен бақылауға алуды  жалғастырудамыз», - деді ол.

Юмаклы таңертеңгі қалың тұман мен түтіннің және түстен кейін қатты желдің өрт сөндіру жұмыстарына кедергі болғанын атап өтіп, «Бұл өртті бақылауға алуды ұзартты. Алайда ауа-райы жақсара салысымен біз әуеден әрекет етуді күшейттік. Қазірдің өзінде күндіз-түні жұмыс жүріп жатыр», - деді.

Юмаклы Бурсадағы жұмыстардың сәтті жүріп жатқанын және бүгін  жақсы жаңалық бөлісетіндерін мәлімдеді.

Сондай-ақ министр орман өрті қаупінің сейілмегеніне тоқталып, халықты абай болуға және өрт белгілерін байқайтын болса құзырлы органдарға хабарлауға шақырды.

Орман өрті қаупінің әлі де бар екенін мәлімдеген Юмаклы «2025 жылдың қазан айына дейін бақылауда боламыз»,- деді.