Газа секторында Израиль шабуылдарынан зақымданған алты қабатты ғимараттың құлауы салдарынан 9 палестиналық қаза тауып, 14 адам жараланды.
Палестинаның «WAFA» ресми ақпарат агенттігінің хабарлауынша, Газа қаласының оңтүстік-батысындағы әс-Синаа ауданында Израиль күштерінің бұған дейінгі шабуылдары кезінде зақымданған алты қабатты ғимарат құлаған.
Алдын ала мәлімет бойынша, оқиға салдарынан 9 палестиналық қаза тауып, 14 адам жараланған.
Жергілікті тұрғындар Израиль шабуылдарынан зақымданған бұл ғимаратта 60-тан астам адамның тұрғанын айтты.
Оқиғадан ғимарат тұрғындарымен қатар, оның маңындағы шатырларда тұрып жатқан палестиналықтар да зардап шекті.
Газада қоныс аударуға мәжбүр болған палестиналықтар Израиль шабуылдарынан зақымданған ғимараттарда тұруға мәжбүр.
