Израиль армиясының Газа секторының оңтүстігіндегі Хан-Юнус қаласында палестиналықтар паналаған шатырларға жасаған шабуылынан үш адам, оның ішінде бір бала қаза тауып, көптеген адам жараланды.
Жергілікті дереккөздердің мәліметінше, Израиль армиясы Хан-Юнустың оңтүстігінде қоныс аударуға мәжбүр болған палестиналықтар тұрып жатқан шатырларды нысанаға алды.
Шабуыл салдарынан бір бала мен екі ересек адам қаза тауып, көптеген адам жарақат алды.
Израиль армиясы Газа секторының әртүрлі аймақтарын артиллериялық қарумен атқылап, әскери техникаларын алға жылжыту арқылы шабуылдарын жалғастырды.
Газа қаласының шығысында да Израиль армиясының ұшқышсыз ұшу аппараттары шатырларға «өртегіш бомбалар» тастады.
Ал Туффах ауданында Израиль армиясы өзі қалдырып кеткен жарылғыш заттар тиелген әскери көлікті қашықтан басқарылатын құрылғы арқылы жарып жіберді.
