Түркияның Коммуникация басқармасының жаңа басшысы болып Сыртқы істер министрінің орынбасары Бурханеттин Дуран тағайындалды. Бұл туралы бейсенбі күні таңертең Ресми газетте жарияланды.
Ол бұл қызметте 2018 жылдың 25 шілдесінен бері жұмыс істеген Фахреттин Алтунның орнына келді. Алтун енді Түркияның Адам құқықтары мен теңдік институтының басшысы болып тағайындалды.
Дуран Бұғазіші Университетінің Саясаттану және халықаралық қатынастар мамандығы бойынша бакалавр дәрежесін және Билкент университетінің Саясаттану саласында докторлық дәрежесін алған.
Ол бұған дейін ”SETA” қорының бас үйлестірушісі болып қызмет атқарған және 2018 жылы Президенттің Қауіпсіздік және сыртқы саясат кеңесіне мүше болып тағайындалған. 2024 жылдың мамыр айында Сыртқы істер министрінің орынбасары қызметіне кіріскен.
Алтун өзінің жаңа қызметке ауысқанын әлеуметтік желіде растады және президент Режеп Тайып Ердоғанға жеті жылға жуық қызметі барысында көрсеткен сенімі мен қолдауы үшін алғыс білдірді.
"Маған осы қызметті сеніп тапсырған президентке, отбасым мен Түркияның коммуникациясы үшін аянбай еңбек еткен әріптестеріме, сондай-ақ шындық үшін күресте табандылық танытқан барлық БАҚ өкілдеріне шын жүректен алғыс айтамын," - деп жазды ол.
Сондай-ақ ол Дуранға сәттілік тіледі.
