Дүйсенбі күні Флорида штатында Қорғаныс министрі Пит Хегсет пен Әскери-теңіз күштері министрі Джон Феланмен бірге журналистер алдында сөйлеген Трамп:

«Біз осы уақытқа дейін салған ең үлкен, мүлде жаңа екі әскери кемені мақұлдағанымды хабарлау — мен үшін үлкен мәртебе», - деді.

Трамптың айтуынша, бұл кемелер қазіргі кезге дейін салынған кез келген әскери кемеден 100 есе жылдам, сонымен қатар әлдеқайда ірі және әлдеқайда қуатты болады.

Президенттің айтуынша, кемелердің салмағы 30 000–40 000 тонна немесе одан да көп болуы мүмкін.

«Бұл жаңа, салмағы 30–40 мың тоннадан асатын кемелер толық дайын болған кезде Америка флотындағы флагман кемелерге айналады. Бұрын мұндай нәрсе ешқашан салынған емес. Олар ең өлімшіл суүсті соғыс кемелерінің қатарына кіреді», - деді Трамп.
Ол сондай-ақ бұл кемелердің гипердыбыстық қарулармен жабдықталатынын және ядролық оқтұмсықтары бар теңізден ұшырылатын қанатты зымырандарды алып жүретінін атап өтті.

«Біз Американы кеме жасайтын держава ретінде қайта жандандырамыз. АҚШ-тың әлемнің кез келген жеріндегі ең қуатты флотқа ие болуын қамтамасыз етеміз», - деді Трамп.