АҚШ сәуір айында Үндістан бақылауындағы Кашмирде ұйымдастырылған және ең ауқымды Үндістан-Пәкістан қақтығысына себеп болған шабуылдың жауапкершілігін жасырын бір топқа жүктеп, оны «террорист» деп жариялады.
АҚШ-тың мемлекеттік хатшысы Марко Рубио «The Resistance Front» тобын БҰҰ тарапынан «террорист» деп танылған «Lashkar-e-Taiba» ұйымының «жетекшісі және өкілі» деп сипаттады.
Рубио мәлімдемесінде «лаңкестік» танымы Трамп әкімшілігінің ұлттық қауіпсіздік мүдделерін қорғау, терроризмге қарсы күресу және Пахалгам шабуылы үшін әділдікті орнату ұмтылысын көрсетеді»,- деді.
Сәуір айында Пахалгамда ұйымдастырылған шабуылда 26 адам қаза тапқан еді. Олардың басым бөлігі үндістер болатын.
Растау
Үндістан Сыртқы істер министрі Субрахманьям Джайшанкар Вашингтонның шешімін өзінің «X» әлеуметтік парақшасында жариялады. Жазбада «Үндістан мен АҚШ терроризмге қарсы ынтымақтастықтың мықты дәлелі» делінген.
Бастапқыда Пахалгам шабуылының жауапкершілігін өз мойнына алған «The Resistance Front» тобы туралы ақпарат өте аз болатын.
Алайда қоғамдық сын күшейген сайын топ шабуылға қатысты жауапкершілікті өз мойнына алды.
Пахалгамдағы зорлық-зомбылық 1999 жылдан бергі екі ел арасындағы ең ауқымды қақтығысқа айналды және екі жақтан 70-тен астам адамның өмірін қиған төрт күндік қақтығысқа себеп болды.
Қақтығыс кезінде Пәкістан «Rafale» жойғыш ұшақтарын қоса алғанда, бірнеше Үндістан ұшағын атып түсірді.
Кашмир мәселесі
Үндістан бақылауындағы Кашмирдегі көтерісшілер 1989 жылдан бері Жаңа Дели билігіне қарсы күрес жүргізіп келеді. Көптеген мұсылман кашмирлік бұл өңірдің не Пәкістан құрамына қосылуын, не дербес мемлекет ретінде тәуелсіз болуын қалайды.
Үндістан Кашмирдегі бұл көтерілісті «Пәкістан қолдаған терроризм» деп сипаттады. Алайда бұл айыптауды Пәкістан да, көптеген кашмирлік те жоққа шығарды. Олар бұл күресті бостандық үшін соғыс деп есептейді. Қақтығыстарда он мыңдаған бейбіт тұрғын мен көтерілісші қаза тапты.
Ал Пәкістан Кашмир халқының БҰҰ бақылауымен референдум өткізу туралы талабын «тек саяси, моральдық және дипломатиялық тұрғыдан қолдайтынын» мәлімдеді.
