Түркия Ұлттық қорғаныс министрлігі Грекия мен Оңтүстік Кипрдің соңғы кезеңдегі қарулану әрекеттері мен аймақтағы әскери бастамалары мұқият бақылап отырғанын мәлімдеді.
Ұлттық қорғаныс министрлігінің Баспасөз және қоғаммен байланыс кеңесшісі әрі министрлік өкілі контр-адмирал Зеки Актүрік Әуе күштерінің құрылғанына 115 жыл толуына орай Измирдің Чигли ауданындағы 2-ші Негізгі реактивті авиациялық база қолбасшылығында өткен апталық баспасөз мәслихатында Грекия мен Оңтүстік Кипрдің қару-жарақ сатып алуды арттыру мәселесіне тоқталды.
Актүрік министрлік тарапынан Грекия мен Оңтүстік Кипрдің соңғы уақыттағы қарулану әрекеттері мен аймақтағы әскери қадамдарының мұқият әрі жіті қадағаланып отырғанын айтты.
Мәлімдемеде Түркияның Эгей теңізі мен Жерорта теңізінің шығысында бейбітшілік, тұрақтылық және тату көршілік қатынастарын қолдайтыны, сонымен бірге өз құқықтары мен мүдделерін қорғау жөніндегі ұстанымынан айнымайтыны атап өтілді.
Құжатта сондай-ақ: «Түрік Қарулы күштері еліміздің және Солтүстік Кипр Түрік Республикасының қауіпсіздігін қамтамасыз ету үшін барлық қажетті шараларды қабылдап отыр. Аймаққа қажет нәрсе – қарулану жарысы мен шиеленісті күшейтетін қадамдар емес, халықаралық құқық негізіндегі ынтымақтастық пен диалог ортасын нығайту. Сонымен қатар Грекияның қорғаныс шығындарын арттыруы, ең алдымен, грек халқының өзі ойлануы тиіс мәселе», – делінген.
