Иран Сыртқы істер министрі Аббас Аракчи Вашингтонның Ормуз бұғазында нысанаға алынған әрбір кеме үшін Ирандағы бір көпірді немесе электр станциясын бомбалауы мүмкін деген қоқан-лоқысынан кейін, елінің инфрақұрылымына жасалған кез келген шабуылға дәл сондай жауап қайтаратынын айтты.
Аракчи «X» платформасындағы жазбасында: «Біздің қорғаныс доктринамыз айқын. Әрбір шабуылға дәл сондай қарымта шабуыл жасалады. Иранға, соның ішінде инфрақұрылымымызға жасалған кез келген шабуыл қатаң әрі батыл қарымта әрекетті талап етеді», – деді. Ол сондай-ақ «Мұндай шабуылдарға қолдау көрсеткен тараптар да заңды нысана ретінде қарастырылады», – деді.
«Соғыс одан әрі кеңеюі мүмкін»
Иран мемлекеттік телеарнасының хабарлауынша, Иран күштері АҚШ-тың қоқан-лоқысы соғыстың одан әрі кеңеюіне себеп болатынын мәлімдеді.
Бұл мәлімдеме АҚШ стратегиялық теңіз жолдары мен Иранның инфрақұрылымына қатысты қатаң ескерту жасағаннан кейін жасалды. Бұған дейін Иран Сыртқы істер министрі Аббас Аракчи ел аумағына жасалған кез келген шабуылға жауап берілетінін ескерткен еді.
