Колумбия университетінің геологы Кристиан Роуэн аталған аймақтағы жер қыртысының ажырау үдерісі күтілгеннен әлдеқайда ілгерілегенін және жер қыртысының бұрын болжанғаннан да қатты жұқарғанын мәлімдеді.
Туркана, Шығыс Африка рифт жүйесі және жаңа мұхиттың қалыптасуы
Шығыс Африка рифт жүйесінде алып Нубия плитасы мен Африканың шығыс жағалауын қамтитын Сомали плитасы бір-бірінен біртіндеп алыстап барады.
Кения мен Эфиопия аумағы арқылы созылып жатқан Туркана рифт аймағын зерттеген ғалымдар оның орталық бөлігіндегі жер қыртысының қалыңдығы небәрі 13 шақырымға дейін азайғанын анықтады.
Жер қыртысы қалыңдығының 15 шақырымнан төмен түсуі құрлықтың бөліну үдерісінің барған сайын айқын сипат алып келе жатқанын көрсетеді.
Бірнеше миллион жыл ішінде аяқталады деп болжанған бұл үдерістен кейін Үнді мұхиты аймаққа еніп, жаңа мұхит түбі қалыптасады.
«Nature Communications» журналында жарияланған зерттеуде өңірдегі геологиялық өзгерістер мен қазба қалдықтарының сақталуы арасындағы байланыс егжей-тегжейлі қарастырылған.
