Түркия президенті Режеп Тайып Ердоған Газаға гуманитарлық жүк жеткізу үшін жолға шыққан жаһандық «Sumud» гуманитарлық флотилиясына Израильдің жасаған «қарақшылығын» айыптады.
Ердоған бейсенбі күні Әділет және даму партиясының жиналысында: «Израиль билігінің халықаралық су айдынында бейбіт тұрғындарға жасаған бұл шабуылы — геноцид жасаушы топтың Газаға қарсы жасап отырған адамзатқа қарсы қылмыстарын жасыру үшін қандай жағдайға түскенін тағы бір мәрте дәлелдеді», - деді.
Президент сөзін жалғастырып: «Геноцид жасаушы Нетаньяху үкіметі бейбітшілік орнату түгілі, ондай мүмкіндіктің пайда болуына да төзімі жоқ екенін көрсетті. «Sumud» флотилиясы Газадағы қырғынды және Израильдің бет-бейнесін бүкіл әлемге тағы да айқын көрсетті. Қиын жағдайға қарамастан ар-намысын қорғап жатқан палестиналық бауырларымызды ешқашан қорғансыз қалдырмаймыз. Бітім мен тыныштықтың орнауы үшін бар күшімізді жұмсаймыз», – деді. Түркияның ресми өкілдері флотилияға қатысты соңғы оқиғаларды жіті қадағалап отырғандарын және Түркия азаматтарының қауіпсіздігі үшін қажетті шаралар қабылданып жатқанын хабарлады.
