Иран күштерінің баспасөз хатшысы Мұхаммед Экреминия АҚШ Иранға шабуыл жасаған жағдайда елдің Қарулы күштері америкалық нысандарға әлемнің кез келген жерінде қарымта соққы беретінін мәлімдеді.
«Defapress» ақпарат агенттігіне сұхбат берген Экреминия АҚШ-қа ескерту жасады.
Ол АҚШ-тың аймақтағы әскери күштерінен бөлек, Оңтүстік батыс Азиядан тыс жерлерде де әскери базалары бар екенін және оларға әскер орналастырғанын еске салды.
«Иранға шабуыл жасалған жағдайда еліміздің Қарулы күштері АҚШ-тың барлық нысанына, олардың қай жерде орналасқанына қарамастан соққы береді», – деді Экреминия.
Мұхаммед Экреминия сондай-ақ Ормуз бұғазы тек Иранның шарттары қабылданғаннан кейін ғана ашылатынын атап өтті.
