Президент Режеп Тайып Ердоған Біріккен Корольдік премьер-министрі Кир Стармермен телефон арқылы сөйлесіп, АҚШ пен Израильдің Иранға жасаған шабуылдарынан кейін өршіген шиеленіске қатысты алаңдаушылығын білдірді.

Президент Режеп Тайып Ердоған Біріккен Корольдік премьер-министрі Кир Стармермен телефон әңгімесібарысында Америка Құрама Штаттары (АҚШ) мен Израильдің Иранға бағытталған соққыларынан кейін ушыққан жағдайға тоқталды.

Түркия Президенті жанындағы Коммуникация басқармасы таратқан мәлімдемеге қарағанда, Ердоған «Түрия Иранға қарсы шабуылдармен басталған процесті жіті қадағалап отыр. Әскери араласудың ұзаққа созылуы аймақтық және жаһандық тұрақтылыққа елеулі зиян келтіруі мүмкін», — деді.

Ердоған сонымен қатар «Диалог алаңын құру үшін әлі де басылуы мүмкін қадамдар бар және біздің бейбітшілікке бағытталған күш-жігеріміз жалғасуда», — деп атап өтті.

Мәлімдемеде айтылғандай, әңгіме барысында Түркия мен Біріккен Корольдік арасындағы екіжақты қарым-қатынастар, сондай-ақ аймақтық және жаһандық мәселелер талқыланды. Ердоған әсіресе қорғаныс өнеркәсібі бастаған барлық салада Біріккен Корольдікпен ынтымақтастықты тереңдетуге деген нық сенімін қайталап, бұл бағыттағы қадамдардың жалғаса беретінін жеткізді.