Түркия Республикасы Сыртқы істер министрі Хакан Фидан сәрсенбі күні жасаған мәлімдемесінде, Стамбулда Ресей мен Украина арасында өткен соңғы келіссөздердің соғысты тоқтатуға бағытталған  маңызды қадам екенін атап өтіп, "Әрбір жаңа жетістік тараптарды бейбітшілікке бір қадам жақындатады," – деді.

Түркияның ұйымдастыруымен өткен үшінші тікелей келіссөздерден кейін сөйлеген сөзінде Фидан екі тарап кем дегенде 1 200 соғыс тұтқынын өзара айырбастауға келіскенін және балаларды қоса алғанда бейбіт тұрғындардың елдеріне қайтуына қатысты қосымша шаралар қабылданғанын айтты.

"Келіссөздердің анағұрлым сындарлы және нәтижеге бағытталған бағытта ілгерілеп жатқанын қуанышпен байқадық," – деген Фидан Түркияның делдал ретіндегі рөліне ерекше тоқталды.

Фидан атысты тоқтату туралы техникалық келіссөздерді жандандыру, ұстанымдарды жақындату үшін басылуы мүмкін қадамдарды талқылағандарын және саяси, гуманитарлық және әскери мәселелер бойынша жұмыс топтарын құру туралы келісімге келгендерін жеткізді.

"Тараптардың шешім жолындағы ортақ ерік-жігер құрылымына тағы бір кірпіш қаланды," – деген Фидан "Келіссөз – сабырмен жүргізілуі тиіс үдеріс. Әрбір жаңа жетістік тараптарды бейбітшілікке жақындатады," – деп мәлімдеді.

Украина делегациясының басшысы Рустем Умеров Киевтің тамыз айының соңына дейін президент деңгейінде кездесу өткізуді ұсынғанын және Түркияға делдал рөлі үшін алғыс білдіргенін айтты. Украина сондай-ақ ешбір алдын ала шартсыз атысты тоқтатуға дайын екенін білдірді.

Ресей тарапының өкілі Владимир Мединский тұтқын алмасуды растады және жаралыларды эвакуациялау мен қаза тапқан әскерилердің мүрделерін қайтару үшін қысқа мерзімді атысты тоқтату ұсынды.

Мединский Мәскеудің украиналық балалардың қайтарылуына қатысты тізімді қарап жатқанын және төртінші раунд келіссөзге ашық екенін айтты.