АҚШ Өкілдер палатасы қорғаныс бюджеті туралы заң жобасындағы АҚШ пен Израиль әскери күштерінің ынтымақтастығын арттыруды көздейтін ережені алып тастау жөніндегі ұсынысын қабылдамады.
Демократиялық партия өкілі Ро Ханна ұсынған бастама талқыланған кезде Нетаньяхудың АҚШ саясатындағы ықпалы сынға алынды.
Заң жобасының 224-бөлімі АҚШ пен Израиль арасындағы әскери технология, бірлескен өндіріс, оқу-жаттығулар және ақпарат алмасу салаларындағы ынтымақтастықты үйлестіретін арнайы өкіл тағайындауды қарастырады.
Ұсынысты қолдаған конгрессмен Сара Джейкобс Израиль күштерінің халықаралық құқықты бұзуы және бейбіт тұрғындардың қаза табуына қарамастан, екі ел арасындағы әскери байланысты одан әрі тереңдету әрекетін сынға алды.
Израильдің Газадағы әскери операциялары барысында ондаған мың палестиналық қаза тауып, өңір тұрғындарының басым бөлігі босқынға айналды.
