Израиль ақпарат құралдары мен армиясының мәліметінше, Ливанның оңтүстігінде жарылғыш құрылғының іске қосылуы салдарынан екі израильдік сарбаз қаза тауып, төрт сарбаз жараланды.
Израильдің «Channel 12» телеарнасы жарылыстың сәрсенбі күні Ливанның Сур ауданындағы Мәждал-Зун елді мекенінде болғанын хабарлады.
Кейін Израиль армиясы мәлімдеме жасап, оқиғада екі сарбаздың қаза тапқанын растады.
Жарылыс Ливан мен Израиль өкілдері Римде АҚШ-тың араағайындығымен өтіп жатқан келіссөздердің жетінші кезеңіне қатысқан кезде болды. Кездесуде атысты тоқтату келісімі, Израиль әскерінің Ливанның оңтүстігінен шығарылуы және шешімін таппаған өзге де мәселелер талқылануда. Үш күнге жоспарланған келіссөздер бейсенбі күні аяқталмақ.
Бұл оқиға атысты тоқтату келісіміне қарамастан, Израильдің Ливандағы шабуылдары жалғасып жатқанын тағы бір мәрте көрсетті.
Ливан Денсаулық сақтау министрлігінің мәліметінше, 2 наурыздан бері Израиль шабуылдарынан кемінде 4 мың 333 адам қаза тауып, 12 мың 250 адам жараланған.
