Жалғасып жатқан соғыс пен тауқыметке қарамастан, Газадағы христиандар Газа қаласындағы «Қасиетті отбасы» шіркеуіне жиналып, батыс күнтізбесі бойынша Пасха мерекесін тойлады. Ауыр гуманитарлық жағдайда өздерінің діни дәстүрлеріне адалдық танытқан сенушілер Иса Мәсіхтің қайта тірілуін еске алуға арналған мінәжаттарға қатысты.

Израиль 2023 жылдың 7 қазанында бастаған әскери операциядан бері Газадағы христиан қауымдастығының көптеген мүшесі үйлер мен шіркеулерге жасалған шабуылдардан қаза тапты. Хабарламаларға қарағанда, негізгі қажеттілік тауарларының тапшылығы Пасха мерекесіне де әсер еткен: электр қуаты, су және дәстүрлі Пасха тойлауында қолданылатын жұмыртқаны қосқандағы азық-түлік қоры таусылуға жақын.

Израиль жылдар бойы Газаға кіретін және шығатын тауарлар ағынын бақылап келсе, қазіргі операция кезінде бұл қоршау бұрынғыдан да күшейе түсті. Газадан келген бейнежазбалар мен суреттер Пасханың тапшылық пен жалғасып жатқан қақтығыс ортасында қалай тойланғанын көрсетеді.