Түркия Республикасының Сыртқы істер министрі Хакан Фидан сейсенбі күні АҚШ-тың Түркиядағы елшісі, әрі Сирия бойынша арнайы өкілі Том Барракті қабылдады.

Түркия Сыртқы істер министрлігі кездесуден түсірілген суретті “X” әлеуметтік желісіндегі парақшасында жариялады, алайда жазбада келіссөздің егжей-тегжейі туралы басқа мәлімет берілмеген.

Баррак та аталған жазбаны бөлісіп, «Бүгін Сыртқы істер министрі Хакан Фиданмен келіссөздерімізді жалғастырудамыз», — деп атап өтті.

АҚШ жексенбі күні Сирия үкіметі мен YPG арасында қол жеткізілген жаңа атыс тоқтату және интеграция келісімін құптайтынын мәлімдеген болатын. Баррак “X” желісіндегі жазбасында «Бұл келісім мен атыс тоқтату режимі маңызды бетбұрысты білдіреді», — деді.

Баррак Сирия президенті Ахмед Шараның күрдтерді Сирияның ажырамас бөлігі ретінде растағанын білдіріп, «АҚШ ДАИШ-ке қарсы күрестегі тарихи серіктесіміздің кедергісіз интеграциялануын асыға күтеді», — деді.

Сондай-ақ ол «Жан-жақты интеграциялық келісімнің егжей-тегжейін нақтылау бойынша күрделі жұмыс енді басталады және АҚШ бұл процестің әр кезеңінде нық қолдау көрсетеді», — деп қосты.