Иран парламентінің төрағасы әрі келіссөздер делегациясының жетекшісі Мұхаммед Багер Галибаф АҚШ-тың өңірге жаңа әскери техника жеткізуі олардың «соғыстың аяқталғанын қалаймыз» деген мәлімдемесіне қайшы келетінін айтты.
Галибаф бұл туралы “X” әлеуметтік желісіндегі парақшасында жазды.
«АҚШ өңірге жаңа әскери техника жеткізуді жалғастырып жатыр, бірақ сонымен бірге соғыстың аяқталғанын қалайтынын мәлімдейді. Біз АҚШ-тың мұндай әрекеттерін әшкерелеуде үлкен тәжірибе жинақтадық және соған сәйкес дайындалдық. Іс-әрекет айтылған мәлімдемелерді растауы керек, оларға қайшы келмеуі тиіс», – деді Галибаф.
