Түркия президенті Режеп Тайып Ердоған Ирак Күрд Аймақтық Әкімшілігінің басшысы Нечирван Барзанимен телефон арқылы сөйлесіп, аймақтағы соңғы жағдайды талқылады.
Түркия Республикасы Президенті жанындағы Коммуникация басқармасының “NSosyal” әлеуметтік медиа платформасында жасаған мәлімдемесіне қарағанда, Ердоған келіссөз барысында Түркияның аймақты ұзақ мерзімді апатқа итермелейтін бастамаларға қарсы күресін жалғастыратынын және террорлық ұйымдар мен оларға қарасты топтардың соңғы кездегі қозғалыстары жіті қадағаланып отырғанын айтты.
Ердоған: «Түркия осынау сын сағатта Ирактың жанынан табылады», — деді.
Президент Ердоған сонымен қатар Түркияның аймақтық қақтығыстарды тоқтату және келіссөздер процесіне қайта оралуды қамтамасыз ету үшін қарқынды жұмыс істеп жатқанын атап өтті. Ердоған мен Барзани әңгіме барысында «Террорсыз Түркия» бастамасының маңыздылығына да тоқталды.
Бұған дейін президент Ердоған Стамбулда өткен Түркі Мемлекеттері Ұйымының бейресми жиыны аясында Түркі Кеңесінің Сыртқы істер министрлерін қабылдаған болатын.
