Чилидің “El Teniente” кенішінің бір бөлігінің құлауынан қамалып қалған алты кеншінің барлығының қаза тапқаны хабарланды.

Чилилік “El Mercurio On-Line” газетінің жексенбі күнгі хабары бойынша, прокурор Акилес Кубильос: «Бүгін сағат 15:30-да “El Teniente” кенішіндегі соңғы жоғалған жұмысшы табылды» деген мәлімдеме жасады.

Бұл мәлімдеме апаттан ешкімнің аман қалмағанын білдіреді.

Кенішті басқаратын Чилидің Ұлттық мыс корпорациясы “Codelco” апатта қаза тапқандардың отбасыларының «қайғысына ортақ екенін» жеткізді.

Чили мемлекетіне тиесілі “Codelco” компаниясы басқаратын “El Teniente” кеніші 4500 километрден астам туннелімен әлемдегі ең үлкен жерасты мыс қоры болып саналады.

Өткен жылы 356 000 метрлік тонна мыс өндірген бұл кеніш Чилидің жалпы өндірісінің шамамен жеті пайызын құрады.

1945 жылы Чилинің “El Teniente” кенішіндегі апаттан 355 кенші қаза тапқан болатын. Ал 2010 жылы “San Jose” кенішінде 33 жұмысшы 69 күнге қамалып қалған.