Израиль қоршаудағы аймақтағы соңғы тұтқынның сүйегі қайтарылғаннан кейін Газа мен Мысыр арасындағы Рафах шекара бекетін «шектеулі түрде қайта ашуға» рұқсат беретінін мәлімдеді.

Бұл мәлімдеме жексенбі күні АҚШ өкілдері Газаға гуманитарлық көмек жеткізу үшін аса маңызды осы өткел нүктесін қайта ашу үшін Израиль билігіне қысым көрсетіп жатқаны туралы ақпараттан соң жасалды.

Рафахты қайта ашу қазан айында АҚШ президенті Дональд Трамп жариялаған Газадағы атыс тоқтату жоспарының бір бөлігі еді, алайда Израиль күштері геноцид кезінде бақылауды қолға алғаннан кейін өткел жабық күйінде қалды.

Беньямин Нетаньяхудың кеңсесі “X” желісінде жасаған мәлімдемесінде өткелдің қайта ашылуы «барлық тірі тұтқындардың қайтарылуына және Хамастың қаза тапқан барлық тұтқындарды тауып, қайтаруға бағытталған 100 пайыздық күш-жігеріне» байланысты болатынын хабарлады.

Кеңсе Израиль армиясының «соңғы тұтқын Ран Гвилидің мәйітін табу және оны қайтаруды қамтамасыз ету үшін жиналған барлық барлау мәліметтерін сараптау мақсатында қазіргі уақытта арнайы операция жүргізіп жатқанын» білдіріп, «Бұл операция аяқталғаннан кейін және АҚШ-пен жасалған уағдаластыққа сәйкес, Израиль Рафах шекара бекетін ашады», — деп атап өтті.

Израильдің келісімді бұзуы

Газа мен Мысырды байланыстыратын Рафах шекара бекеті 10 қазанда күшіне енген атысьы тоқтату келісімінің бірінші кезеңі аясында қазан айында қайта ашылуы тиіс еді, бірақ Израиль бұл келісімді орындамады.

Атысты тоқтату келісімі күшіне енгеннен бері Израиль армиясы жүздеген рет тәртіп бұзды. Денсаулық сақтау министрлігінің мәліметінше Израиль кем дегенде 484 палестиналықты өлтіріп, 1 321 адамды жаралаған.