Түркия президенті Режеп Тайып Ердоған сейсенбі күні Сауд Арабиясына, ал сәрсенбі күні Мысырға ресми сапармен барады.

Коммуникация басқармасының басшысы Бурханеттин Дуран Ердоғанның Эр-Риядта Сауд Арабиясының мұрагер ханзадасы Мұхаммед бин Салманмен кездесетінін, онда Түркия мен Сауд Арабиясы арасындағы тереңдеп келе жатқан ынтымақтастықты, сондай-ақ аймақтық және жаһандық мәселелерді талқылайтынын айтты.

Дуран президенттің кейіннен Мысыр президенті Абдель Фаттах ас-Сисидің шақыруымен сәрсенбі күні Каирге баратынын және Түркия-Мысыр жоғары деңгейлі стратегиялық ынтымақтастық кеңесінің екінші отырысына тең төрағалық ететінін атап өтті.

Сонымен қатар Дуран Мысыр сапары барысында Ердоған мен Сиси екіжақты мәселелерді талқылап, аймақтық және халықаралық жағдайларға, әсіресе Палестина мәселесіне қатысты пікір алмасатынын жеткізді.

Дуран Ердоғанның Каирге сапары аясында Түркия-Мысыр бизнес форумына да қатысатынын білдірді.