Иран Төңкеріс сақшылары корпусы Ормуз бұғазының батысында АҚШ-та жасалған MQ-1 типіндегі ұшқышсыз әуе аппаратын (ҰАА) атып түсіргенін хабарлады.

Иранның ресми “IRNA” ақпарат агенттігі Төңкеріс сақшылары корпусы тарапынан жасалған жазбаша мәлімдемені жариялады.

Мәлімдемеде Ормуз бұғазының батысында “MQ-1” типіндегі ҰАА-ның Иран әуе қорғанысы жүйесі арқылы анықталып, соққы берілгені атап өтілді.

Революция сақшылары кеше таңертең де Ормуз бұғазы үстінде осындай ҰАА-ның атып түсірілгенін хабарлаған еді.

АҚШ 1990 жылдары шығарған “MQ-1” типіндегі ҰАА алғашында бақылау және барлау мақсатында пайдаланылу үшін жоспарланған болатын. Кейіннен бұл ҰАА-ларға жаңа камералар мен ракеталар қондырылды.