АҚШ Көлік министрі Шон Даффи Флорида штатындағы елді мекенге құлаған жеке ұшақтың бортындағы 9 адамның барлығы қаза тапқанын хабарлады.
Шон Даффи әлеуметтік желідегі парақшасында Флорида штатының Палм-Бич аймағында «Learjet 60» үлгісіндегі жеке ұшақтың құлауына қатысты мәлімдеме жасады.
Даффи Техас штатының Остин қаласынан Багам аралдарына бет алған ұшақтағы 9 адамның барлығы қаза тапқанын айтып, оқиға орнына арнайы топ жіберілгенін хабарлады.
Флорида губернаторы Рон Десантис ұшақ апаты салдарынан жергілікті инфрақұрылымға айтарлықтай зақым келгенін және кейбір жолдардың ұзақ уақытқа жабылуы мүмкін екенін мәлімдеді.
“CNN” хабарлауынша, әуе қозғалысын басқару қызметімен жүргізілген радиобайланысты тіркейтін интернет сайттың деректеріне сәйкес, апаттан бірнеше минут бұрын ұшқыш ұшақтың мұз басып жатқанын, сырттағы ауа температурасы Цельсий бойынша минус 47 градусқа дейін төмендегенін және орташа деңгейдегі турбуленттілік салдарынан ұшақтың қатты шайқалғанын хабарлаған.
Әлеуметтік желілерде тараған видеода ұшақтың жерге соғылып, үлкен жалын шарпығаны көрінеді.
