Грекия премьер-министрі Кириакос Мицотакис НАТО-ның Мемлекет және үкімет басшыларының 36-шы саммитінен кейін баспасөзге баға берді.
НАТО-ның бірлігі мен еуроатлантикалық сипатын сақтау үшін Еуропа елдерінің Альянс ішіндегі жауапкершілікті бөлісуде үлкен рөл атқаруы өте маңызды екеніне сенім білдірген Мицотакис: «Бұл АҚШ пен НАТО-ның басқа мүшелері арасында теңгерімді қамтамасыз ету үшін біздің көбірек ресурс жұмсауымыз керектігін білдіреді», — деді.
Мицотакис АҚШ президенті Дональд Трамптың 8 жылдан бері осы көзқарасты алға тартып келе жатқанын атап өтіп, оның бұл пікірін құптайтынын баса айтты.
Грекияның 2026 жылы қорғанысқа жалпы ішкі өнімнің 3,5 пайызын жұмсау мақсатынан асқанын жеткізген Мицотакис өз елі үшін тіпті экономикалық дағдарыс кезеңінде де бұл көрсеткіштің 2 пайыздан жоғары болғанына назар аударды. Мицотакис Түркияның АҚШ-тан F-35 сатып алу ықтималдығына қатысты сұраққа тек Грекияның бұл мәселедегі өз жоспарына тоқталу арқылы жауап берді. Грек ұшқыштарының 2027 жылы Грекия үшін дайындалған F-35 ұшақтарында жаттығуды бастайтынын айтқан Мицотакис «Басқа елдердің таңдауына түсініктеме беру менің ісім емес. АҚШ-қа қорғаныс жүйесін кімге сататынын, кімге сатпайтынын айтатын Грекия емес», — деген пікір білдірді.
Мицотакис өзінің әрқашан Түркия мен Грекия арасындағы нәтижелі әрі тиімді қарым-қатынасты жақтайтынын көрсетіп, екіжақты байланыстарда соңғы уақытта көптеген салада ілгерілеушілік байқалғанын атап өтті.
«Президент Ердоғанмен сындарлы қарым-қатынас бағытында ынтымақтастықты жалғастырамын»
Грекия премьер-министрі: «Түрік қонақжайлылығын әрдайым жоғары бағалаймын және тағы да қайталап айтамын: Түркия керемет НАТО саммитін ұйымдастырды. Президент Ердоғанмен сындарлы қарым-қатынас бағытында ынтымақтастықты жалғастырамын», — деді.
Иран-АҚШ қарым-қатынастарына қатысты сұраққа да жауап берген Мицотакис өзінің оптимистік көзқараста болғысы келетінін және соңғы айлардағыдай жағдайға қайта оралмайтынына сенетінін білдірді. Мицотакис Ормуз бұғазындағы кеме қатынасының еркіндігі Грекия сияқты Еуропа елдері мен АҚШ үшін де басымдық екенін атап өтті.
