Біріккен Ұлттар Ұйымы Бас хатшысының баспасөз хатшысы Стефан Дюжаррик Газадағы гуманитарлық жағдайға назар аударған Дюжаррик: «Отбасылардың шамамен бестен бірі күніне бір рет қана тамақтанатыны хабарланды. Адамдар күнкөріс тауқыметін тартып отыр. Олардың 50 пайызы өткен айда кемінде бір рет азық-түлігі мүлде таусылып қалғанын хабарлады», - деді.
Азық-түлік өте қымбат
Дюжаррик Дүниежүзілік азық-түлік бағдарламасының аймақ туралы есебіне де сілтеме жасап, осы айда Газадағы үй шаруашылықтарының төрттен үші қолма-қол ақша тапшылығы мен негізгі азық-түлік өнімдерінің қымбаттығына байланысты «азық- түлік сатып алу мүмкіндігі шектелгенін» айтты.
«Газада азық-түліктің басым бөлігі 2023 жылы қақтығыс ушығуына дейінгі кезеңмен салыстырғанда айтарлықтай қымбат», - деген Дюжаррик аймақтағы гуманитарлық көмек қызметкерлері қауіпсіздік мәселелері мен шектеулерге қарамастан жұмысын жалғастыруға тырысып жатқанын атап өтті.
