Солтүстік Кореяның соғыс себебінен жұмыс күші тапшылығын бастан кешіріп отырған Ресейге мыңдаған жұмысшы жібергені және олардың бір бөлігі Украина шабуылдарының нысанасына айналған нысандарда еңбек етіп жатқаны мәлімделді.
“Wall Street Journal” газетінің хабарында Солтүстік Кореяның соңғы жылдары нығайған қарым-қатынастар шеңберінде Ресейге әскер мен әскери техника жібергені туралы айыптаулардан кейін соғыс салдарынан жұмыс күші тапшылығын тартып отырған бұл елге жұмысшы да жолдағаны алға тартылды.
Хабарда Ресейдің ең ірі электронды коммерция компанияларының бірі “Wildberries-ке” тиесілі 20-ға жуық қойманың жаз бойы Украина шабуылдарының нысанасына айналғаны айтылып, бұл компанияның соққыға жығылған нысандарының кейбірінде солтүстік кореялық әйелдердің жұмыс істегені хабарланды.
Хабарда Солтүстік Кореяға қарсы санкциялардың бұзылуын бақылайтын Көпжақты санкцияларды мониторингтеу тобының (MSMT) есебіне де орын берілді.
Есепте кейбір солтүстік кореялық жұмысшылардың Ресейдегі ұшқышсыз ұшу аппараттары (ҰҰА) зауыттарында еңбек етіп, соғысқа қатысты өндіріске тікелей үлес қосып жатқаны айтылды.
Ресейде 15-30 мың арасында солтүстік кореялықтың жұмыс істейтіні және жан басына шаққанда жылына орта есеппен 7 500 доллар табыс табатыны болжанған. Айтылғанға қарағанда, Пхеньян билігі бұл қызметкерлер тапқан табыстың 90 пайызға жуығын тартып алады.
Сондай-ақ есепте шетелде жұмыс істейтін солтүстік кореялық жұмысшылардың өткен жылы Пхеньян билігіне 800 миллион долларға дейін кіріс келтіргені, бұл қаражаттың елдің ядролық бағдарламаларын қаржыландыруға жұмсалғаны алға тартылды.
