Сирияның ресми “SANA” ақпарат агенттігінің хабарлауынша, келісім аясында Ресейдің Сирия жағалауындағы әскери күштерін орналастыру тәртібін қайта ұйымдастыру үдерісі басталады.

Хабарламада азаматтық нысандарды басқару Сирияға берілетіні, сондай-ақ Хмеймим әуежайы мен Тартус портындағы төртінші коммерциялық айлақтың кезең-кезеңімен азаматтық басқаруға өтетіні айтылды.

Сонымен қатар Ресейге тиесілі әскери базалар мен нысандардың қызметін қайта ұйымдастыру жөнінде де келісімге қол жеткізілді. Бұл базалар Сириядағы бірлескен оқу-жаттығу орталықтарына айналдырылады.

Мәлімдемеде жаңа келісімдердің екі тараптың да мүдделеріне сай жүзеге асырылатыны атап өтілді. Өзара түсіністік туралы меморандумда қайта құру үдерісін аяқтауға үш ай мерзім белгіленген. Осы мерзім аяқталғаннан кейін жаңа тәртіп күшіне енеді.

Ресей 2015 жылы Асад режимінің өтінішімен Сирияға әскери күштерін енгізім жасап, Хмеймим мен Тартуста база құрған еді. Сириядағы азаматтық соғыс кезінде бейбіт тұрғындар тұратын аудандарға жасалған жүздеген шабуыл осы базалардан көтерілген ұшақтар арқылы жүзеге асырылды.

2024 жылдың желтоқсан айында Асад режимі құлатылғаннан кейін Ресей мен Сирияның жаңа үкіметі аталған базаларға қатысты келіссөздерді бастаған еді.