Албания астанасы Тиранада университет студенттерінің білім беру жағдайын жақсартуды талап етіп ұйымдастырған наразылық шерулері кеше де жалғасты.
13 қазанда басталған наразылық акцияларының он күн бойы жалғасуда.
Елордадағы шерулерге жоғары оқу орындарының студенттерімен қатар мектеп оқушылары, қала тұрғындары және түрлі университеттердің оқытушылары да қолдау көрсетті.
Парламент ғимаратының алдында бейбіт басталған шеру кейін Үкімет басшысының кеңсесі орналасқан ғимараттың алдына ұласты.
Осы жерде наразылық білдірушілер полиция қызметкерлеріне тас лақтырды. Бұған жауап ретінде тәртіп сақшылары су атқыш құралдарды қолданды.
Қоғамдық тәртіпті қамтамасыз ету үшін жүздеген полиция қызметкері жұмылдырылды.
Бұған дейінгі наразылық акциялары кезінде де шерушілер мен полиция арасында қақтығыс болған еді.
Білім беру жүйесін өзгертуді талап еткен студенттердің шерулері барысында күш қолдану оқиғалары тіркелді.
Албания премьер-министрі Эди Рама бұған дейін наразылық білдірушілерге жасаған диалогқа шақыруын тағы да қайталады. Алайда студенттер талаптары орындалмайынша наразылық шараларын жалғастыруға ниетті екендерін мәлімдеді.
