Мұнай өнімдерінің 90 пайыздан астамын Ресейден импорттайтын Қырғызстан жылдық 1,5 миллион тоннадан асатын сұранысын қамтамасыз ету мақсатында жеткізу желісін кеңейтуде.
Министрлер кабинетінің жазбаша мәлімдемесіне сәйкес, Қырғызстан президенті Әкімшілігінің Басшысы әрі Министрлер Кабинетінің Төрағасы Абылғазы Қасымалиевтің төрағалығымен ішкі нарықтағы жағармай жағдайы мен мұнай өнімдерін жеткізу мәселесі талқыланған жиын өтті.
Жиында ішкі нарықты қамтамасыз ету үшін қолданылатын шаралар, жанар-жағармай мен мұнай өнімдерінің импорты, стратегиалық қорларды қалыптастыру және жанармай секторында жұмыс істейтін компанияларға берілетін мемлекеттік қолдаулар туралы баяндамалар жасалды.
Қасымалиев нарықтағы тұрақтылықты сақтау және жеткізу тізбегінде іркілістердің алдын алу үшін процестің жіті бақылауда екенін атап өтті.
Елдегі мұнай өнімдеріне деген жылдық жалпы сұраныстың орташа есеппен 1,5 миллион тоннадан асатынына назар аударған Қасымалиев Ресей, Беларусь, Қытай және Өзбекстанмен белсенді ынтымақтастық жүргізіліп жатқанын білдірді.
Қасымалиев ықтимал дағдарыстардың алдын алу үшін жаңа импорттық келісімшарттарға қол қоюды тапсырды.
Ресей мен Украина арасындағы шиеленіске байланысты Қырғызстанда бензин бағасы айтарлықтай өсіп, кейбір жанармай құю станцияларында бір көлікке ең көбі 30 литрлік сату шектеуі енгізіле бастаған еді.
