Палестинаның “WAFA” ақпарат агенттігінің хабарлауынша, іздестіру-құтқару топтары қаланың оңтүстігіндегі Сабра ауданында Израиль шабуылы салдарынан қираған ғимараттың үйінділерін тазалау жұмыстарын жүргізді.
2023 жылының қазан айы мен 2025 жылы 7 маусымда Израильдің әскери ұшақтары нысанаға алған бұл ғимаратта ондаған адам қаза тауып, олардың басым бөлігі үйінді астында қалып қойған болатын. Жүргізілген жұмыстар нәтижесінде 99 адамның мәйіті табылды.
Іздестіру-құтқару топтары техникалық мүмкіндіктердің шектеулілігі мен операцияларды жүргізудегі қиындықтарға назар аударып, Газа секторында Израиль шабуылдары кезінде қираған ғимараттардың үйінділері астында әлі де мыңдаған адамның мәйіті қалып отырғанын мәлімдеді.
Газадағы үйінді мәселесі
Израильдің шабуылдары салдарынан Ғазада 50–68 миллион тонна үйінді пайда болды. Шамамен 8 500 адамның мәйіті әлі күнге дейін осы қирандылардың астынан шығарылуын күтіп жатыр.
2025 жылы қазан айында жасалған атысты тоқтату туралы келісімнің алғашқы кезеңі ауыр құрылыс техникасының аймаққа жеткізілуін қарастырғанына қарамастан Израиль шекаралық өткелдерді жабық ұстап, қалаға гуманитарлық көмектің жеткізілуіне рұқсат бермей отыр.
Қазіргі жағдайда өңірдегі жалғыз ауыр техникамен іздестіру жұмыстарын жүргізіп жатқан азаматтық қорғаныс қызметі халықаралық қауымдастық қажетті техникалық қолдау көрсеткен жағдайда көптеген жылға созылуы мүмкін бұл үдерісті шамамен үш айдың ішінде аяқтауға болатынын атап өтті.
