Түркия президенті Режеп Тайып Ердоған: «Аймағымыз қақтығыстар мен тұрақсыздық жайлаған кезеңде «Террорсыз Түркия» бастамасы елге қарсы күштерге қазірдің өзінде тежеуші күш болып, Түркияның қуатын арттырды және өңірде жаңа өзгерістерге жол ашты», – деді.
Президент Ердоған Түркия Ұлы Ұлттық Мәжілісінің 28-шақырылымы 5-сессиясының ашылуына орай Мәжілістің жалпы отырысында сөз сөйледі.
«Түрлі саяси партиялардың және олардың бір-біріне мүлде ұқсамайтын түрлі көзқарастарының болуы – Түркия мен түрік демократиясының байлығы. Алайда әрбір саяси партия үшін ең бастысы Түркияның мүддесі болуы тиіс», – деген Ердоған сөзін былай жалғастырды: «Түркияның ұлттық мүдделеріне және халқымызға қатысты маңызды мәселелерде саяси күштер ортақ ұстанымға келе білуі керек. Біз мұны «ішкі бірлікті нығайту» деп атадық. Біз мұны «Ұлы Түркия келісімі» деп атаймыз. «Террорсыз Түркия» үдерісінің қоғамдағы және ел көлеміндегі осындай ортақ келісімді қалыптастыруға бағытталғанын ерекше атап өткім келеді. Аймағымыз қақтығыстар ошағына айналған кезде «Террорсыз Түркия» бағытында басылған қадамдар Түркияға қарсы күштерге тежеуші күш болып, еліміздің қуатын арттырды және өңірде жаңа серпін қалыптастырды».
