Ресей Германияның Берлиндегі Ресей мәдени орталығына қатысты осындай шешім шығаруына жауап ретінде өз аумағындағы Гёте институттарының жабылатынын мәлімдеді.

Ресей ақпарат агенттіктерінің хабарлауынша, Ресей Сыртқы істер министрі Сергей Лавров: «Мәскеу, Санкт-Петербург және Екатеринбург қалаларында Германияның Гёте институтының бөлімшелері бар. Әрине, олар жабылады», – деді.

Германия үкіметі Мәскеуді тамыз айының басында Лейпциг әуежайына жарылғыш зат тиелген дрон жіберді деп айыптағаннан кейін Берлиндегі Ресей мәдени орталығының жабылатынын мәлімдеген болатын.