«SUNA» мемлекеттік ақпарат агенттігінің хабарына қарағанда Суданның жаңа премьер-министрі Камиль Идрис елдің уақытша үкіметін таратты.
Жексенбі күні «SUNA» агенттігі жарияланған есепте Судан армиясы мен Әскерилендірілген жедел қолдау күштері арасындағы соғыс басталғаннан кейін алғаш құрылатын жаңа үкімет құрамының қашан жарияланатыны туралы ешқандай ақпарат бермеді.
Идристі Судан президенті және армия қолбасшысы генерал Абделфеттах әл-Бурхан тағайындады, ал Әскерилендірілген жедел қолдау күштері осы жылдың басында одақтас партиялармен параллель үкімет құратынын хабарлады.
Идрис сенбі күні 2021 жылғы әскери төңкерістен кейінгі елдің алғашқы премьер-министрі ретінде ант берді.
Жексенбі күні сөйлеген сөзінде ол барлық саяси партиялармен бірдей қарым-қатынас орнататынына және Судандағы тұрақтылық, қауіпсіздік пен қайта құруға басымдық беруге уәде берді.
Соғыс он мыңдаған адамның өмірін қиды және халықтың төрттен бірі болған 13 миллион адамның қоныс аударуына себеп болды.
Біріккен Ұлттар Ұйымы бұл жағдайды әлемдегі ең ауыр гуманитарлық апаттардың бірі ретінде сипаттады.
