Канададағы сайлау нәтижесі халықтың Карниге деген сенімін көрсетті және либералдарға төрт жылдық мандат берді. «АҚШ Президенті Дональд Трамп Канада премьер-министрі Марк Карниді жақында өткен сайлаудағы жеңісімен құттықтады»,- деп мәлімдеді Карнидің кеңсесі.

«Көшбасшылар Канада мен Америка Құрама Штаттарының тәуелсіз, егемен елдер ретінде бірлесіп жұмыс істеуінің маңыздылығын мойындады. Олар жақын арада бетпе-бет кездесуге келісті» – делінген сейсенбі күнгі мәлімдемеде.

Телефон әңгімесі дүйсенбі күні өткен федералдық сайлауда Либералдық партия жеңіске жеткеннен кейін болды.

Жеңіс Трамптың тарифтік саясаты мен Канаданы аннексиялау мәселесі туындатқан қиындықтарға қарамастан, Карнидің басшылығына халықтың сенімін растады, сонымен бірге партияға төрт жылдық жаңа мандат берді.

Либералдық көшбасшы бұған дейін Вашингтонға тек Канаданың егемендігін құрметтейтін «маңызды талқылау» болған жағдайда ғана баратынын айтқан болатын.

Канаданың ресми және тәуелсіз сайлау органы – «Elections Canada» жариялаған алдын ала нәтижелерге сәйкес, Либералдық партия 43,5% дауыс жинап, көпшілік орынға ие болды.

Либералдар Қауымдар палатасындағы 343 орынның 169-ын қазіргі дауыс үлесімен жеңіп алды, бірақ үкімет құру үшін қажет 172 орынға жетпеді.

Негізгі оппозициялық Консервативтік партия 41,4% дауыс жинап, қазіргі дауыс үлесімен 144 орынға ие болды.

Либералдар қатарынан төртінші мерзімге билікке келді, ал соңғы рет 2015 жылы парламентте жеңіске жеткен болатын.

Канада экспортының шамамен 75% оңтүстік шекарасы арқылы өтуі Америка Құрама Штаттарын канадалық тауарлар үшін маңызды нарыққа айналдырды. Керісінше Канада тауарлары АҚШ экспортының 17% ғана құрайды.

Сонымен қатар Канада АҚШ-қа шикі мұнайдың ең ірі шетелдік жеткізушісі. Канадамен 2024 жылға дейін болжанған 45 миллиард долларлық сауда тапшылығы негізінен АҚШ-тың энергия қажеттіліктеріне байланысты.