Түркия президенті Режеп Тайып Ердоған Қырғызстан астанасы Бішкекте Ресей президенті Владимир Путинмен «Ала-Арча» мемлекеттік резиденциясында кездесті.

Кездесу барысында Владимир Путин Түркияның сыртқы саясат пен экономика салаларында Ресейдің айрықша серіктестерінің бірі екенін атап өтіп, «Бірлескен жобалар жүзеге асырылып жатыр. Солардың бірі — «Аккую» атом электр станциясы. Станцияның алғашқы энергоблогын биыл іске қосуды жоспарлап отырсыздар. Бұл жоспар жүзеге асады», — деді.

Путин Түркиямен мәдени және гуманитарлық салалардағы ынтымақтастық әлеуетінің де жоғары екенін айтып, «Түркияға келетін ресейлік туристер саны артып келеді. Өткен жылы Түркияға 7 миллионға жуық ресейлік турист барды», — деді.

Президент Ердоған: «Бүгінде Түркия мен Ресей арасындағы қарым-қатынас бұрынғы кезеңдермен салыстырғанда өте жоғары деңгейге жетті. Түркия үшін ресейлік туристердің маңызы ерекше. Қазіргі таңда Анталияға келетін туристердің елеулі бөлігін Ресейден келген қонақтар құрайды. Сонымен қатар құрметті президент жаңа ғана атап өткендей, Түркия-Ресей қатынастарында «Аккую» атом электр станциясының маңызы зор. [...] Ауыл шаруашылығы мен энергетика салаларында да берік ынтымақтастығымыз бар», — деді.