Халық дауыс беру үшін ұзын-сонар кезекке тұрды. Жергілікті ақпарат құралдарының хабарлауынша, Оңтүстік Кореядағы сайлаушылар бейсенбі күні таңертең сайлау учаскелеріне барып, мерзімінен бұрын дауыс бере бастады.

«Yonhap» ақпарат агенттігінің хабарлауынша, мерзімінен бұрын дауыс беру толығымен жұмыс күндері өтіп жатса да, ел астанасы Сеулдегі көптеген сайлау учаскесінде алдыңғы жылдардағыдай ұзын-сонар кезек байқалды.

Ел бойынша 3568 сайлау учаскесінде мерзімінен бұрын дауыс беру басталды. Сайлаушылар бұрынғы президент Юн Сук Ёлдың орнына жаңа көшбасшы сайлауға дайындалуда. Юн желтоқсан айында әскери жағдай енгізу әрекетінен кейін қызметінен шеттетілген болатын.

Ұлттық сайлау комиссиясының (NEC) хабарлауынша, екі күндік мерзімінен бұрын дауыс беру кезеңі жұма күні жергілікті уақыт 18:00-де (GMT 0900) аяқталады.

Елдің жоғары лауазымына алты үміткер таласуда, бірақ нағыз саяси дода екі үміткер арасында өтуде.

Сәрсенбі күні жарияланған соңғы сауалнамаға сәйкес, Демократиялық партияның кандидаты Ли Чжэ Мён 49,2% дауыспен көш бастап тұр, ал биліктегі Халықтық билік партиясынан Ким Мун Су 36,8% дауыспен екінші орында. «Жаңа реформа» партиясының өкілі Ли Джун Сеок 10,3% дауыспен үштікке енді.

Демократиялық партияның кандидаты Ли бейсенбі күні Сеулдің батысындағы Синчон қаласында, ал Ким өзінің сайлауалды науқаны аясында Инчхондағы Гьеян қаласында дауыс береді. Президент сайлауы 3 маусымда өтеді.