Иран Ислам революциясы сақшылар корпусының хабарлауынша, Әуе-ғарыш күштері Әл-Азрак әуе базасы мен АҚШ күштерінің маңызды нысандарына 12 баллистикалық зымыран ұшырған.
Мәлімдемеде шабуыл салдарынан базадағы нысандармен қатар көптеген америкалық әскери ұшақтың жойылғаны айтылды. Алайда бұл ақпарат тәуелсіз дереккөздер тарапынан расталған жоқ.
Сақшылар корпусы бұл соққылар АҚШ-тың Тегеранның батысындағы Кередж және Назарабад маңындағы нысандарға, сондай-ақ Пишва ауданындағы жергілікті әскери базаға жасаған зымыран шабуылдарына жауап ретінде жүзеге асырылғанын мәлімдеді.
Корпус қарсы тараптың агрессиясы жалғасқан жағдайда операциялар үдейе түсетінін ескертті.
Бұған дейін Иран тарапы Кувейттегі Әли әс-Салим және Ахмед әл-Жабир базаларына, сондай-ақ Бахрейндегі Шейх Иса базасындағы АҚШ нысандарына соққы жасалғанын хабарлаған еді.
Иран күштері Бахрейндегі «Patriot» әуе қорғаныс жүйелері, байланыс нысандары және АҚШ-тың Бесінші флоты нысанаға алынғанын хабарлаған болатын.
Бұл оқиғалар АҚШ-тың Иранның оңтүстігіне жасаған шабуылдарынан кейін болды.
