Түрік әуе жолдары («THY») «Air China» компаниясымен қолданыстағы кодшеринг келісімінің ауқымын  кеңейткенін хабарлады.

Келісім Бейжіңде өткен Қытай әуе тасымалы қауымдастығының («CATA») 4-авиациялық конференциясы мен көрмесінің ашылу рәсімінде жасалды.

2024 жылдың маусымында Стамбул–Бейжің рейстерін қамтитын еркін сату үлгісіндегі кодшеринг ынтымақтастығы Түркия мен Қытай арасындағы рейстерді арттырды.

Ынтымақтастыққа Бейжің арқылы орындалатын Қытай ішіндегі кейбір рейстер мен Стамбул арқылы жүзеге асырылатын бірқатар халықаралық рейс те енгізілді.

Осыған сәйкес, «THY» жолаушылары Бейжің арқылы Шэньчжэнь, Чунцин, Сямэнь, Ханчжоу, Нанкин және Циндао қалаларына транзиттік рейстермен ұша алады.

Ал «Air China» жолаушылары Стамбул арқылы Анкараға, сондай-ақ Африкадағы Аккра, Лагос, Марракеш, Дар-эс-Салам, Алжир және Туниске, Латын Америкасындағы Канкун мен Мехико-Сити сияқты Түрік әуе жолдары желісіндегі түрлі бағыттарға жете алады.

Кеңейтілген кодшеринг ынтымақтастығының арқасында екі әуе компаниясының рейстеріне бір билет алуға болады.

«Star» альянсының мүшелері Түрік әуе жолдары  мен «Air China» өздерінің негізгі әуе тораптары арасындағы байланыс пен транзит мүмкіндіктерін арттыруды көздейді.

Екі компания алдағы уақытта Түркия мен Қытай арасында ашылуы жоспарланған жаңа тікелей әуе бағыттарын да кодшеринг ынтымақтастығына қосуды жоспарлап отыр.