Сириялық ресми өкіл дүйсенбі күні жасаған мәлімдемесінде, қауіпсіздік күштерінің YPG лаңкестік ұйымымен жасалған келісім аясында Сирияның солтүстік-шығысындағы Хасеке уәлаятының ауылдық аймағында орналасқан Камышлы қаласына кіретінін білдірді.
Хасеке ішкі қауіпсіздік қолбасшысы Меруан әл-Али «Alikhbaria TV» арнасына берген сұхбатында бұл туралы айтты.
Әл-Али «Бүгін Хасекеге көптеген көлікпен Ішкі істер министрлігінің қызметкерлері кірді, одан кейін осындай күш Камышлыға да барады», — деді.
Әл-Али «Келісім шарттары орындалғаннан кейін қауіпсіздік күштері мен YPG-ге қарасты басқа да қауіпсіздік құрылымдары Ішкі істер министрлігінің құрамында біріктіріледі. Жағдайдың белгісіздігіне байланысты, арандатушылықтардың алдын алу және журналистердің қауіпсіздігін қамтамасыз ету мақсатында БАҚ өкілдерінің Хасеке қаласына кіруіне рұқсат берілмейді», — деп мәлімдеді.
Сондай-ақ әл-Али «Хасекедегі қауіпсіздік күштері қазіргі позицияларында қалады және дәл осы күштер Камышлыға да кіреді», — деп қосты.
Телеарна дүйсенбі күні ертеңгісін ішкі қауіпсіздік күштерін жергілікті халықтың Хасекеде өте жылы қарсы алғанын хабарлаған болатын. Анадолы агенттігінің тілшісі ішкі қауіпсіздік конвойының сегіз брондаулы машинадан, жол талғамайтын төрт көліктен, жедел жәрдем көліктерінен және мобильді байланыс тораптарынан тұратынын хабарлады. Тілші конвойдың Хасеке орталығына қарай бет алғанын да атап өтті.
