Түркия Анкара мен Ереван арасындағы қалыпқа келтіру үдерісіне қолдауын тағы да растады.

Министрлік «1915 жылғы оқиғаларға қатысты тарихи деректер мен халықаралық құқыққа қайшы" мәлімдемелерді жоққа шығаратынын хабарлады.

Мәлімдемеде бұл пікірлер «өткеннің қайғылы оқиғаларын саяси мақсатта пайдалануға бағытталған әрекеттер» деп сипатталды.  Олардың «толығымен жарамсыз» екені атап өтілді. Сондай-ақ Анкара әкімшілігінің әрдайым әлемдік бейбітшілікке, диалогқа, өзара түсіністікке және аймақтағы ортақ өркендеуге қолдау көрсетіп келе жатқаны айтылды.

«Осы ұстаныммен Түркия өз мұрағаттарын ашып, 1915 жылғы оқиғаларды әділ әрі ғылыми тұрғыда зерттеу үшін Бірлескен Тарихи Комиссия құруды ұсынды», – деді министрлік.

Министрлік сонымен бірге «тарихтан дұшпандық туындатуға тырысатын радикалды топтарды қолдаудан» сақтандырды.