Ресей астанасы Мәскеуде түркі мәдениеті көрініс тапқан «Станиславский/Чехов» атты театр қойылымы көрермен назарына ұсынылды.
Амина Джаман жазған және шынайы оқиғалардан шабыт алған бір актілі философиялық комедияда 1928 жылдың қыркүйегінде Берлиндегі түрік дәмханасында орыс театрының көрнекті өкілдері Константин Станиславский мен Михаил Чеховтың кездесуі баяндалады.
Спектакльде Станиславский мен Чеховтан бөлек дәмханада жұмыс істейтін Гүлер есімді жас түрік қызы үшінші кейіпкер ретінде көрінеді.
Қойылымда түркі мәдениетіне тән ерекшеліктер оқиға желісімен үйлесімді түрде берілген.
Түрік дәмханасында өрбитін қойылымда түрік шайы, түрік кофесі, лукум және кофе арқылы бал ашу дәстүрі көрсетіліп, Стамбул туралы сөз болады.
Покровка театрында өткен арнайы көрсетілім алдында эбру таныстырылды.
«Станиславский/Чехов» спектаклінің премьерасы қараша айында өтеді.
