Солтүстік Корея басшысы Ким Чен Ын жаңадан іске қосылған ядролық материал өндіретін кәсіпорынға барып, ұзақ мерзімді өндіріс жоспары туралы ақпарат алды.

Елдің ядролық материал өндіру мүмкіндігіне тоқталған Ким Солтүстік Кореяда қару жасауға пайдаланылатын ядролық материал өндірісі соңғы бес жылда екі еседен астам артқанын жеткізді.

Ол сондай-ақ елдің ядролық тежеу әлеуетін сапалық әрі сандық тұрғыдан күшейту қажеттілігі артып келе жатқанын атап өтті.

Солтүстік Кореяның орталық ақпарат агенттігі Ким Чен Ынның ядролық нысандағы тар дәліздермен жүріп келе жатқан кездегі фотосуреттерін жариялады.