Түркия президенті аппараты жанындағы Коммуникация басқармасының төрағасы Бурханеттин Дуран президент Режеп Тайып Ердоғанның Шанхай ынтымақтастық ұйымының саммитіне қатысу үшін Қырғызстан астанасы Бішкекке баратынын мәлімдеді.

Дуран әлеуметтік желідегі парақшасында былай деп жазды: «Президентіміз Режеп Тайып Ердоған Қырғызстан президенті Садыр Жапаровтың шақыруымен Шанхай ынтымақтастық ұйымының саммитіне қатысу үшін 2026 жылдың 31 тамызы және 1 қыркүйегі аралығында Бішкекке  барады. Сапар аясында президент Ердоған 1 қыркүйек сейсенбі күні кеңейтілген форматта өтетін саммит отырысында сөз сөйлеп, бірқатар мемлекет басшыларымен екіжақты кездесулер өткізеді».