«ASELSAN» бас директоры Ахмет Акйол Босния және Герцеговинаға дрондарға қарсы жүйелер жеткізу жөнінде жаңа келісімшартқа қол қойылғанын хабарлады.

Ахмет Акйол әлеуметтік желідегі парақшасында Босния және Герцеговинамен қорғаныс өнеркәсібі саласында жүргізіліп жатқан жұмыстар туралы мәлімет берді.

Ол дос әрі одақтас ел Босния және Герцеговинамен ынтымақтастықтың жаңа деңгейге көтерілгенін атап өтіп, «Босния және Герцеговинада Қорғаныс министрі Зукан Хелезбен дрондарға қарсы жүйелерімізді жеткізу жөніндегі жаңа келісімшартқа қол қойдық. Бұл ынтымақтастық Босния және Герцеговина Қарулы күштері үшін сәтті әрі нәтижелі болсын деп тілеймін», – деді.

Өңірлік ынтымақтастық мүмкіндіктері қарастырылды

Акйол Босния және Герцеговинаға сапары барысында өткізілген кездесулерге де тоқталды. Ол Босния және Герцеговина Федерациясының премьер-министрі Нермин Никшичпен және Энергетика, тау-кен өнеркәсібі және индустрия министрі Ведран Лакичпен кездескенін айтты.

Акйолдың мәлімдеуінше, кездесулерде өңірдегі жұмыстар мен ықтимал ынтымақтастық мүмкіндіктері талқыланды. «Біз «ASELSAN» технологиялары арқылы әлемдік деңгейде сенім қалыптастыруды жалғастырып келеміз», – деді ол.