Франция министрі дүйсенбі күні жасаған мәлімдемесінде Америка Құрама Штаттары мен Еуропалық Одақ арасында жасалған сауда келісімі уақытша тұрақтылық орнатса да, оның құрылымы «тұрақсыз» екенін мәлімдеді.
Францияның Еуропалық Одақ істері жөніндегі министрі Бенжамин Хаддад жексенбі күні Шотландияда АҚШ президенті Дональд Трамп пен Еуропалық Одақ басшысы Урсула фон дер Ляйен арасындағы келіссөздер нәтижесінде қол жеткізілген уағдаластыққа қатысты «X» платформасында мәлімдеме жасады. Ол «Келісім уақытша тұрақтылық әкеледі... бірақ тұрақсыз»,- деп жазды.
Хаддад бұл келісімнің Франция экономикасының маңызды салаларына жеңілдіктер қарастыратынын, сондай-ақ цифрлық технология мен денсаулық сақтау сияқты салаларда еуропалық реттеулердің күшінде қалуын құптайтынын айтты.
«Ашығын айтар болсақ, жағдай қанағаттанарлық емес және тұрақсыз. АҚШ Дүниежүзілік сауда ұйымының ережелерін және экономикалық қысымды мүлде елемеуде. Жедел қорытынды жасауымыз керек, әйтпесе жойылып кету қаупіне тап боламыз», - деді Хаддад.
