Иранның ресми «IRNA» ақпарат агенттігінің хабарлауынша, Аракчи Денсаулық сақтау министрлігінде өткен салтанатты жиында сөз сөйледі.

Аракчи АҚШ пен Израильдің шабуылдарынан басталған соғыста Иранның өзін «жеңілмейтін күш» екенін дәлелдегенін айтып, «Басқа елдердің ресми өкілдерінен «ирандықтар үлкен жетістікке жетіп, бүкіл әлемді таңғалдырды» деген сөздерді талай рет естідім. Ешкім Иранның АҚШ-қа осылай қарсы тұра алатынын және қарсыласын келіссөз сұрауға мәжбүрлейтінін күтпеді», - деді.

Аракчи АҚШ президенті Дональд Трамптың соғыс басында Иранды «сөзсіз берілуге» шақырғанын еске салып, «Арадан 20 күн өткеннен кейін қарсылас өзі келіссөз жүргізуді сұрай бастады», – деді.

«Иран халқы дипломатия саласында да өз құқықтарын қалай қорғай алатынын көрсетті. Мұны түрлі елдердің ресми өкілдерінен естідім. Олар бізге: «Сіздер соғыста да, дипломатияда да жеңіске жеттіңіздер дейді», – деп түйіндеді Аракчи.