Иран Мәжілісінің төрағасы Мохаммад Бақыр Калибаф ресми сапармен Иракқа барып, алдымен Ислам революциясы сақшылар корпусының бұрынғы «Құдс» арнайы бөлімінің қолбасшысы Қасым Сүлейманидің ескерткішіне барды.

Иран Мәжіліс төрағалығының “Telegram-дағы” ресми арнасында жасалған мәлімдемеде Калибафтың өзі бастап келген делегациямен бірге Сүлейманидің Бағдат әуежайындағы мемориалына тағзым еткені айтылды.

Калибафтың Ираққа сапары 2 күнге созылады деп жоспарланды.

Иран Ислам революциясы сақшылар корпусына қарасты «Құдс» күштерінің қолбасшысы Қасым Сүлеймани мен «Хашд аш-Шааби» ұйымы төрағасының орынбасары Абу Махди әл-Мухандис 2020 жылдың 3 қаңтарында Ирактың астанасы Бағдаттағы Халықаралық әуежай маңында АҚШ ұйымдастырған шабуыл салдарынан қаза тапқан болатын.